3 ໜ່ວຍພັກ ຈາກຮາກຖານສໍານັກງານອະທິການບໍດີ ຮັບສະມາຊິກພັກສໍາຮອງ ແລະສົມບູນ

ໃນຕອນເຊົ້າວັນທີ 13 ພຶດສະພາ 2020ຜ່ານມານີ້, ໜວ່ຍພັກຫ້ອງການສັງລວມ, ໜ່ວຍພັກຫ້ອງການຄຸ້ມຄອງຫໍພັກ ມະຫາວິທະຍາໄລແຫ່ງຊາດ ແລະໜ່ວຍພັກຫ້ອງການວິຊາການ ທີ່ຂຶ້ນກັບຮາກຖານສໍານັກງານອະທິການບໍດີ ມະຫາວິທະຍາໄລແຫ່ງຊາດ ໄດ້ຈັດພິທີຮັບເອົາມະຫາຊົນກ້າວໜ້າເຂົ້້າເປັນສະມາຊິກພັກສໍາຮອງ ແລະເລື່ອນສະມາຊິກພັກສໍາຮອງ ເຂົ້າເປັນສະມາຊິກພັກສົມບູນ, ກອງປະຊຸມດັ່ງກ່າວໄດ້ຈັດຂຶ້ນທີ່ຫ້ອງປະຊຸມ ສະໂມສອນຂອງ ມະຫາວິທະຍາໄລແຫ່ງຊາດພາຍໃຕ້ການເປັນປະທານຂອງສະຫາຍ ປອ. ໄກສອນ ເພັງໂສພາ ຮອງເລຂາຄະນະພັກຮາກຖານສໍານັກງານອະທິການບໍດີ, ມີບັນດາສະຫາຍເລຂາໜ່ວຍພັກ, ຄະນະໜ່ວຍພັກແຕ່ລະພາກສ່ວນອ້ອມຂ້າງຮາກຖານ ສໍານັກງານອະທິການບໍດີ ພ້ອມດ້ວຍສະມາຊິກພັກຈາກ 3 ໜ່ວຍພັກເຂົ້າຮ່ວມ.

          ໂອກາດນີ້, ສະຫາຍ ນາງ ທິບພະຂັນ ບຸດຈັນທະລາດ ສະມາຊິກ ໜ່ວຍພັກຫ້ອງການວິຊາການໄດ້ຂຶ້ນຜ່ານ ມະຕິຕົກລົງ ວ່າດ້ວຍການອະນຸມັດເລື່ອນສະມາຊິພັກສໍາຮອງເປັນສະມາຊິກພັກສົມບູນ, ໃນມະຕິຕົກລົງ ເຫັນດີຮັບຮອງເອົາ ສະມາຊິກພັກສໍາຮອງ 4ສະຫາຍເຂົ້າເປັນສະມາຊິກພັກສົມບູນ ໃນນັ້ນມີ: ສະຫາຍ ນາງ ມຸກສະຫວັນ ແກ້ວວົງໄຊ, ສະຫາຍ ໄຊສຸອໍາພອນ ຍືນວັນນະ ທັງສອງສະຫາຍສັງກັດຢູ່ໜ່ວຍພັກ ຫ້ອງການສັງລວມ, ສະຫາຍ ເພັດສະໝອນ ແກ້ວມີທອງ ແລະສະຫາຍ ວົງດາລາ ຄອງທໍາ ສັງກັດຢູ່ໜ່ວຍພັກຫ້ອງການວິຊາການ. ພ້ອມນັ້ນຍັງໄດ້ຜ່ານ ມະຕິຕົກລົງ ວ່າດ້ວຍການອະນຸມັດມະຫາຊົນກ້າວໜ້າເຂົ້າເປັນສະມາຊິກພັກສໍາຮອງ, ໃນມະຕິຕົກລົງດັ່ງກ່າວ ເຫັນດີຮັບເອົາ ສະຫາຍ ອານຸລັກ ແກ້ວສະດາ, ສະຫາຍ ຫົດສະດີ ສິດທິເດດ ສັງກັດຢູ່ໜ່ວຍພັກຫ້ອງການວິຊາການ ແລະ ສະຫາຍ ນາງ ມະໄລ ທໍາມະວົງ ສັງກັດຢູ່ໜ່ວຍພັກຫ້ອງການຄຸ້ມຄອງຫໍພັກ ມະຫາວິທະຍາໄລແຫ່ງຊາດຊາດ ເຂົ້າເປັນສະມາຊິກພັກສໍາຮອງ. ບັນດາສະມາຊິກພັກແຕ່ສະຫາຍທີ່ໄດ້ຮັບການບັນຈຸເຂົ້າເປັນສະມາຊິກພັກສໍາຮອງ ແລະເລື່ອນເຂົ້າເປັນສະມາຊິກພັກສົມບູນ ແມ່ນໄດ້ຜ່ານການຝຶກຝົນຫຼໍ່ຫຼອມຕົນເອງ ແລະມີເງື່ອນໄຂຄົບຖ້ວນຕາມມາດຖານທີ່ໄດ້ກໍານົດໄວ້, ພ້ອມທັງມີຜົນງານໂດດເດັ່ນຫຼາຍດ້ານໃນການເຄື່ອນໄຫວໃນໄລຍະຜ່ານມາ ແລະໄດ້ຮັບການໄວ້ເນື້ອເຊື່ອໃຈຈາກອົງການຈັດຕັ້ງ, ບັນດາສະຫາຍໄດ້ມີມີຄວາມໜັກແໜ້ນ ອຸ່ນອຽນ-ທຸ່ນທ່ຽງ, ຈົງຮັກພັກດີຕໍ່ປະເທດຊາດ, ມີຄວາມເຊື່ອໝັ້ນຕໍ່ການຊີ້ນໍາໆພາຂອງພັກຢ່າງແທ້ຈິງ. ສະນັ້ນ ມະຫາຊົນກ້າວໜ້າ 3 ສະຫາຍ ຈຶ່ງໄດ້ເລື່ອນເປັນເປັນສະມາຊິກພັກສໍາຮອງ ແລະສະມາຊິກພັກສໍາຮອງ 4 ສະຫາຍຈຶ່ງໄດ້ຮັບເຂົ້າເປັນສະມາຊິກພັກສົມບູນ.

          ໃນໂອກາດນີ້ ສະຫາຍ ປອ. ໄກສອນ ເພັງໂສພາ ໄດ້ໂອ້ລົມຕໍ່ກອງປະຊຸມ ເຊິ່ງສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ການຕື່ນຕົວເຝິກຝົນຫຼໍ່ຫຼອມຕົນເອງຂອງສະມາຊິກພັກໃນໄລຍະຜ່ານມາ ຈົນໄດ້ເຂົ້າເປັນສະມາຊິກພັກສໍາຮອງ ແລະສະມາຊິກພັກສົມບູນ, ພ້ອມນັ້ນສະຫາຍໄດ້ເນັ້ນໜັກໃຫ້ບັນດາສະມາຊິກພັກກໍາແໜ້ນຄວາມໝາຍ, ຄວາມສໍາຄັນ, ພາລະບົດບາດ ແລະແນວຄິດທິດສະດີຂອງພັກ, ເອົາໃຈໃສ່ປະຕິບັດຕໍ່ກົດລະບຽບຂອງພັກຢ່າງເຂັ້ມງວດ, ກໍາແໜ້ນກົດລະບຽບຂອງພັກ ໂດຍສະເພາະແມ່ນ 6 ສິດ, 5 ໜ້າທີ່ ແລະ 9 ຂໍຫ້າມຂອງສະມາຊິກພັກ, ສືບຕໍ່ພັດທະນາຝຶກຝົນຫຼໍ່ຫຼອມຕົນເອງຢ່າງຮອບດ້ານໃຫ້ກາຍເປັນສະມາຊິກພັກທີ່ມີຄຸນສົມບັດ ແລະເປັນແບບຢ່າງໃຫ້ແກ່ມະຫາຊົນ, ຕັ້ງໜ້າພັດທະນາຕົນເອງໃຫ້ມີຄວາມຮູ້-ຄວາມສາມາດ; ທັງນີ້ ກໍເພື່ອປະກອບສ່ວນເຂົ້າໃນການພັດທະນາວຽກງານການກໍ່ສ້າງໜ່ວຍພັກຂອງຕົນໃຫ້ມີຄວາມປອດໃສ, ເຂັ້ມແຂງ, ໜັກແໜ້ນ ກໍຄືການປະກອບສ່ວນພັດທະນາ ມະຫາວິທະຍາໄລແຫ່ງຊາດ ໃຫ້ມີຄວາມກ້າວໜ້າໃນອະນາຄົດ.

ໃນຕອນເຊົ້າຂອງວັນທີ່ 27 ມັງກອນ 2020 ທີ່ຜ່ານມາ 3 ອົງການຈັດຕັ້ງຈາກ ສະຖາບັນເສດຖະກິດການເງິນດົງຄໍາຊ້າງ ໄດ້ມາຢ້ຽມຢາມວິທະຍາໄລການເງິນເງິນພາກເໜືອ

ໃນຕອນເຊົ້າຂອງວັນທີ່ 27 ມັງກອນ 2020 ທີ່ຜ່ານມາ 3 ອົງການຈັດຕັ້ງຈາກ ສະຖາບັນເສດຖະກິດການເງິນດົງຄໍາຊ້າງ ໄດ້ມາຢ້ຽມຢາມວິທະຍາໄລການເງິນເງິນພາກເໜືອ ເຊິ່ງໃຫ້ການຕ້ອນຮັບໂດຍຜູ້ອໍານວຍພ້ອມດ້ວຍຄະນະ ແລະ ຄູອາຈານຈໍານວນໜື່ງ ໃນກອງປະຊຸມໄດ້ມີການລາຍງານການເຄື່ອນໄຫວຂອງ 3 ອົງການຈັດຕັ້ງຂອງຕົນໂດຍຫຍໍ້ ແລະ ມີການຖອດຖອນບົດຮຽນເຊິ່ງກັນ ແລະ ກັນ ເປັນເວລາ 3 ຊົ່ວໂມງເຄິ່ງຈຶ່ງສໍາເລັດ ຫຼັງຈາກນັ້ນທາງທີມງານ ຄູອາຈານຈາກ ສສງ ກໍ່ໄດ້ທ່ຽວຊົມແຫຼ່ງທໍາມະຊາດນໍ້າຕົກຕາດກວາງຊີ ແລະ ມີການເຄື່ອນໄຫວກິດຈະກໍາ ບານເຕະ ຮ່ວມກັບທີມວິທະຍາໄລການເງິນສົມພົບກັບພະແນກການເງິນ  

         

Leave a Reply

Your email address will not be published. Required fields are marked *