ໃນຕອນແລງຂອງວັນທີ່ 30 ມັງກອນ 2020 ໜ່ວຍຊາວໜຸ່ມຮາກຖານ ວິທະຍາໄລການເງິນພາກເໜືອ ໄດ້ຈັດພິທີ ມອບ-ຮັບໃບຢັ້ງຢືນ 4 ບຸກຂອງ ຊປປລ ຮາກຖານວິທະຍາໄລການເງິນພາກເໜືອຄັ້ງທີ I

ໃນຕອນແລງຂອງວັນທີ່ 30 ມັງກອນ 2020 ໜ່ວຍຊາວໜຸ່ມຮາກຖານ ວິທະຍາໄລການເງິນພາກເໜືອ ໄດ້ຈັດພິທີ ມອບ-ຮັບໃບຢັ້ງຢືນ 4 ບຸກຂອງ ຊປປລ ຮາກຖານວິທະຍາໄລການເງິນພາກເໜືອຄັ້ງທີ I ຂື້ນເຊິ່ງໃຫ້ກຽດເຂົ້າຮ່ວມໂດຍ: – ສະຫາຍ ໄພວັນ ຈັນທະສຸກ ຮອງເລຂາຄະນະບໍລິຫານງານ ຊາວໝຸ່ມປະຊາຊົນປະຕິວັດລາວ ແຂວງຫຼວງພະບາງ- ສະຫາຍ ສີສະຫວັນ ປັນຍາສະຫວັດ ຮອງເລຂາໜ່ວຍພັກ ວິທະຍາໄລການເງິນພາກເໜືອ- ສະຫາຍ ພັດສະພອນ ພູມມະວົງ ເລຂາຊາວໜຸ່ມຮາກຖານ ວິທະຍາໄລການເງິນພາກເໜືອ- ແຂກຖືກເຊີນ, ສະມາຊິກຊາວໜຸ່ມຄູ-ອາຈານ ແລະ ນັກສຶກສາ ຈໍານວນ 120 ສະຫາຍ. ໃນທ່າມກາງບັນຍາກາດທີ່ທົ່ວພັກ, ທົ່ວກອງທັບ, ທົ່ວປວງຊົນລາວພວມຈັດຕັ້ງຜັນຂະຫາຍມະຕິກອງປະຊຸມໃຫຍ່ຄັ້ງທີ X ຂອງພັກ, ມະຕິກອງປະຊຸມໃຫຍ່ຄັ້ງທີ VII ຂອງຜູ້ແທນຊາວໜຸ່ມທົ່ວປະເທດ, ມະຕິກອງປະຊຸມໃຫຍ່ຄັ້ງທີ VI ຂອງຄະນະບໍລິຫານງານຊາວໜຸ່ມແຂວງ ມະຕິກອງປະຊຸມໃຫຍ່ຄັ້ງທີ V ຂອງໜ່ວຍພັກວິທະຍາໄລການເງິນພາກເໜືອ ແລະ ມະຕິກອງປະຊຸມໃຫຍ່ຄັ້ງທີ III ຂອງໜ່ວຍຊາວໜຸ່ມຮາກຖານ ວິທະຍາໄລການເງິນພາກເໜືອ. ດັ່ງນັ້ນໜ່ວຍຊາວໜຸ່ວມຮາກຖານວິທະຍາໄລການເງິນເງິນພາກເໜືອຈຶ່ງໄດ້ຈັດພິທີດັ່ງກ່າວຂື້ນ ມີດັ່ງນີ້:1. ພິທີຮັບນາມມະຍົດຢັ້ງຢືນ ເປັນໜ່ວຍຊາວໜຸ່ມປະຊາຊົນປະຕິວັດລາວ ຮາກຖານ 4 ບຸກຄັ້ງທີ I ຂອງໜ່ວຍຊາວໜຸ່ມຮາກຖານວິທະຍາໄລການເງິນພາກເໜືອ2. ພິທີຮັບເອົາມະຫາຊົນກ້າວໜ້າເຂົ້າເປັນສະມາຊິຊາວໜຸ່ມ ( ຈໍານວນ 3 ສະຫາຍ)3. ພິທີລາອອກຈາກຊາວໜຸ່ມປະຊາຊົນປະຕິວັດລາວ ( ຈໍານວນ 3 ສະຫາຍ) ໜ່ວຍຊາວໜຸ່ມຮາກຖານວິທະຍາໄລການເງິນພາກເໜືອ ມີສະມາຊິຊາວໜຸ່ມທີ່ເປັນຄູ-ອາຈານ ແລະ ນັກສຶກສາທັງໝົດ 752 ສະຫາຍ, ຍິງ 504 ສະຫາຍ, ສະເພາະສະມາຊິກຊາວໜຸ່ມທີ່ເປັນຄູ-ອາຈານ 43 ສະຫາຍ, ຍິງ 18 ສະຫາຍ.

Leave a Reply

Your email address will not be published. Required fields are marked *